....

↞↞↞↞↞↞↞↞↶↶↶↴↴♚♚

happy moments

Մեսրոպ Մաշտոցը ծնվել է կիսաազնվական Վարդանի ընտանիքում: Ստացել է հունական հիմնավոր կրթություն, տիրապետել է նաև ասորերենին, պարսկերենին, վրացերենին: Մոտ 389 թ-ին հաստատվել է Վաղարշապատում, պաշտոնավարել արքունիքում՝ որպես ատենադպիր ու թարգմանիչ, այնուհետև նվիրվել է ռազմական գործին: 394 թ-ին դարձել է վանական, իր աշակերտների ուղեկցությամբ կատարել է քարոզչական շրջագայություններ տարբեր գավառներում, տարածել քրիստոնեական վարդապետությունը, Աստվածաշունչը բանավոր թարգմանել է հայերեն՝ հասկանալի դարձնելու համար:

Այդ առաքելության ընթացքում նա լրջորեն մտահոգվել է երկրի վիճակով, գիտակցել լեզվի, եկեղեցու, դպրոցի, ավանդույթների և մշակույթի կարևորությունը ժողովրդի ինքնության պահպանման համար. Հայաստանի պարսկական հատվածում (387 թ-ին Հայաստանը բաժանվել էր Պարսկաստանի և Բյուզանդիայի միջև) հետզհետե ուժեղանում էր պարսկերենի ազդեցությունը, իսկ բյուզանդական մասում հունարենը դարձել էր պետական լեզու: Հայ ժողովրդին ձուլման վտանգից փրկելու նպատակով Մաշտոցը կազմել է հրատապ ծրագիր՝ հայերեն թարգմանել քրիստոնեական գրքերը, քարոզչությունն ու արարողություններն անել հայերենով, ստեղծել ինքնուրույն հայերեն գրականություն, ամրացնել երկրի՝ 2 մասի բաժանված հատվածների հոգևոր, լեզվական և մշակութային միասնությունը, որը քաղաքական միասնության հիմք պիտի դառնար երկրի պետական անկախությունը վերականգնելու հնարավորության դեպքում:

Մաշտոցի այս ծրագիրն ընդունել ու խրախուսել են Հայոց կաթողիկոս Սահակ Պարթևը և Վռամշապուհ արքան: Վերջինս, տեղյակ լինելով, որ Ասորիքում Դանիել անունով եպիսկոպոսի մոտ հայերեն նշանագրեր կան, պալատական Վահրիճին ուղարկել է դրանք բերելու: Մաշտոցը որոշ ժամանակ այդ տառերով հայոց լեզու է ուսուցանել իր աշակերտներին, սակայն պարզվել է, որ այդ նշանագրերը բավարար չափով չեն համապատասխանում հայերենի հնչյունական համակարգին: Սահակ Պարթևի երաշխավորությամբ և Վռամշապուհ արքայի հրամանով Մաշտոցն իր մի խումբ աշակերտների հետ ուղևորվել է Ասորիք, եղել Ամիդ, Սամոսատ և Եդեսիա քաղաքներում, հայոց գրի մասին խորհրդակցել է ասորի հոգևորականների հետ, բայց, աջակցություն չստանալով, ինքն է ձեռնամուխ եղել այդ գործին: Մաշտոցի կենսագիր Կորյունի վկայությամբ՝ 405 թ-ին Եդեսիայում «նա իր սուրբ աջով հայրաբար ծնեց նոր ու սքանչելի ծնունդներ՝ հայերեն լեզվի նշանագրեր»:

Մաշտոցն անթերի որոշել է հայերենի բառակազմիչ հնչյունների իրական համակարգը՝ առաջնորդվելով մեկ հնչյունին՝ մեկ տառ սկզբունքով, դասավորել տառերը հունական այբուբենի հերթականությամբ, յուրաքանչյուր տառի տվել անուն (այբ, բեն, գիմ...), թվային արժեք (Ա = 1, Ժ = 10, Ճ = 100, Ռ = 1000...), սահմանել գրության՝ ձախից աջ ուղղությունը: Մաշտոցյան կատարյալ այբուբենին միջնադարում ավելացվել են միայն «օ» և «ֆ» տառերը: 

Գրերն ստեղծելուց հետո Մաշտոցը մեկնել է Սամոսատ, հմուտ գրիչ-գեղագիր Հռոփանոսի օգնությամբ կատարելագործել դրանց գծագրությունը: Նոր տառերն ուսուցանել է իր օգնականներին և այնտեղ հունական կրթություն ստացող հայ պատանիներին, իսկ 2 աշակերտների՝ Հովհան Եկեղեցացու և Հովսեփ Պաղնացու հետ ձեռնարկել է Աստվածաշնչի հայերեն թարգմանությունը՝ սկսելով Սողոմոնի առակներից: 

406 թ-ին նորաստեղծ գրերով Մաշտոցը վերադարձել է Հայաստան: Նրան մեծ ցնծությամբ են դիմավորել Վաղարշապատ մայրաքաղաքում:

Գրերի գյուտից անմիջապես հետո երկրում ծավալվել է Թարգմանչաց շարժումը, ծաղկել է հայ դպրությունը, հիմնվել են բազմաթիվ դպրոցներ, գրադարաններ, գրչության կենտրոններ: 

Կորյունի վկայությամբ՝ Մաշտոցը նշանագրեր է ստեղծել նաև վրացիների ու աղվանների համար:

Բացի թարգմանական գործերից՝ Մեսրոպ Մաշտոցը գրել է մայրենի լեզվով առաջին հոգևոր բանաստեղծություններն ու երգերը՝ դնելով հոգևոր երգեցողության հիմնաքարը, նաև ճառեր, քնարական բանաստեղծություններ, քարոզներ և ուղերձներ: Մաշտոցի ու նրա աշակերտների գործունեությամբ սկզբնավորվել է հայոց ոսկեդարի (V դար) վիթխարի գրական-մշակութային շարժումը:

Մեսրոպ Մաշտոցը սրբացվել է դեռևս կենդանության օրոք և դասվել Հայ եկեղեցու տոնելի սրբերի կարգը: Տոնացույցում նրա անունը հիշատակվում է 3 շարժական տոներում: Օշականում Մաշտոցի գերեզմանի վրա կառուցված եկեղեցին սրբազան ուխտատեղի է: Սերունդները Մաշտոցին անվանել են Երկրորդ Լուսավորիչ Հայոց, որովհետև Գրիգոր Լուսավորիչը քրիստոնեացրել է հայ ազգը, իսկ Մեսրոպ Մաշտոցն ազգայնացրել է քրիստոնեությունը:

Մեսրոպ Մաշտոցի կյանքի և գործի մասին գրել են նրա աշակերտներ Կորյունն ու Մովսես Խորենացին, միջնադարյան մի շարք մատենագիրներ: Հետագայում նրա մասին գրվել են գիտական աշխատություններ, գեղարվեստական ստեղծագործություններ: 

Մաշտոցի անունով կոչվել են Մատենադարանը, պողոտա և համայնք, ուսումնական հաստատություններ Երևանում, փողոցներ, դպրոցներ՝ ՀՀ-ում և ԼՂՀ-ում, հիմնարկներ ու կազմակերպություններ՝ ՀՀ-ում և Սփյուռքում: 

Սահմանվել են ՀՀ «Սուրբ Մեսրոպ Մաշտոց», Հայ եկեղեցու «Սուրբ Սահակ- Սուրբ Մեսրոպ» շքանշանները:

Տես նաև Գիր և այբուբեն, Կորյուն, Հայոց լեզու:

   2005 թ-ին մեծ շուքով նշվել է հայ գրերի գյուտի 1600-ամյակը:

   Մեսրոպատառ առաջին հայերեն նախադասությունն է. «Ճանաչել զիմաստութիւն եւ զխրատ, իմանալ զբանս հանճարոյ» («Ճանաչել իմաստություն և խրատ, իմանալ հանճարի խոսքերը»):

   Մեսրոպ Մաշտոցի ստեղծած գիրը և ուղղագրությունը դարձան ամենից լիարժեքը ժամանակի մյուս գրային համակարգերի շարքում և չհնացան անցած 1600-ամյակում:

   «Մտքով՝ ստեղծող, խոսքով՝ պայծառ, գործով՝ համբերող, սիրով՝ անկեղծ, սովորեցնելու մեջ՝ չձանձրացող, և որ նրա (Մեսրոպ Մաշտոցի) վարքի մեջ ամբարտավանությունը և մարդահաճությունը երբեք չկարողացան տեղ գտնել»:

Մովսես Խորենացի, 

պատմահայր

   «Մեսրոպ Մաշտոցի գյուտը, անտարակույս, այն հզոր զենքն էր, որի շնորհիվ հայ ժողովուրդը պահպանեց իր գոյությունը V դարի մեծ պայքարում և մտնելով քաղաքակրթված հնագույն ժողովուրդների ընտանիքի մեջ՝ զարգացրեց իր ինքնուրույն մշակույթն ու շատ հարուստ գրականությունը»:

Հակոբ Մանանդյան, 

պատմաբան

Ընկերության մասին

Նա չէ ընկերը, ով խղճում է, այլ նա, ով օգնում է։
Թոմաս Ֆուլեր

Եթե բախտն առանձնապես բարեհաճ է մարդու նկատմամբ և ուզում է շնորհել նրան աշխարհում մեծագույն երջանկությունը, նրան հավատարիմ ընկերներ է տալիս։

Թելման

................................................................................................................................................................................

Իշխանության հասած ընկերը կորած ընկեր է։

Հենրի Ադամս

................................................................................................................................................................................

Արցունքներն անհամեմատ քիչ են լինում, եթե կա մեկը, ում հետ կարելի է հեղել դրանք։

Ալֆիերի

................................................................................................................................................................................

Ընկերությունն անխզելի է դարձնում և նրա հմայքը կրկնապատկում է մի զգացում, որը պակասում է սիրուն`   համոզվածություն։

Բալզակ

................................................................................................................................................................................

Ընկերությունը կրկնապատկում է ուրախությունն ու կիսով չափ պակասեցնում վշտերը։

Բեկոն

................................................................................................................................................................................

Չկա ավելի սարսափելի անապատ, քան կյանքն առանց ընկերների։

Գրասիան

................................................................................................................................................................................

Նա, ով հավատարիմ ընկեր ունի, կարող է հաշվել, որ ինքը երկու հոգի է։

Գրաֆ

................................................................................................................................................................................

…Եթե ուզում ես ընկերներիդ ծառայություն մատուցել, ապա պետք չէ լռության մատնել նրանց թերությունները։

Դեբիդուր

................................................................................................................................................................................

Ճշմարիտ ընկերների ամեն ինչն ընդհանուր է։

Եվրիպիդես

................................................................................................................................................................................

Անվստահելի հանգամանքներում էլ իմացվում է ընկերոջ հավատարմությունը։

Էննիուս

................................................................................................................................................................................

Կենցաղային ոչ մի բարիք մեզ համար հաճելի չի լինի, եթե մենք վայելում ենք այն`   չբաժանելով դա ընկերների հետ։

Էրազմ Ռոտերդամցի

................................................................................................................................................................................

Ընկերներ մենք ձեռք ենք բերում ոչ նրանով, թե ինչ ծառայություններ ենք մենք ստանում նրանցից, այլ նրանով, ինչ ինքներս ենք մատուցում։

Թուկիդիտես

................................................................................................................................................................................

Ընկերությունը պետք է լինի անսահմանորեն ավելի հանդուրժող, քան սերը։

Ժանլիս

................................................................................................................................................................................

Իսկական ընկերության մեջ սովորական մարդկանց համար անհասանելի հմայք է թաքնված։

Լաբրյուեր

................................................................................................................................................................................

Որքան որ հազվադեպ է իսկական սերը, իսկական ընկերությունն ավելի հազվադեպ է։

Լառոշֆուկո

................................................................................................................................................................................

Առավել ամոթալի է ընկերներին չվստահել, քան նրանցից խաբված լինել։

Լառոշֆուկո

................................................................................................................................................................................

Իսկական ընկերը բարիքներից մեծագույնն է։

Լառոշֆուկո

................................................................................................................................................................................

Քայլ առ քայլ`   առևտրի օրենքն է, սակայն ոչ ընկերության։ Առևտուրը ընկերություն չի ճանաչում, բայց և ընկերության մեջ չպետք է առևտուր լինի։

Լեսինգ

................................................................................................................................................................................

Կարողացիր ընկեր լինել`   ընկեր կգտնես։

Կրասիցկի

................................................................................................................................................................................

Ես ամենից շատ սիրում եմ ընկերոջը նրա համար, որ նա թերություններ ունի, որոնց մասին կարելի է խոսել նրա հետ։

Հեզլիթ

................................................................................................................................................................................

Միայն ընկերոջ ձեռքը կարող է փշերը սրտից հանել։

Հելվեցիուս

................................................................................................................................................................................

Անհավատարիմ ընկերները, դրանք… արևային ժամացույցներն են, որոնք օգտակար են միայն այնքան ժամանակ, քանի դեռ լուսավորում է արևը։

Հիպել

................................................................................................................................................................................

Աստված մեզ ազգականներ է պարգևում։ Ընկերներ, փառք աստծո, մենք ինքներս ենք ընտրում։

Էթել Մամֆորդ

................................................................................................................................................................................

Ընկերությունն այս կյանքի մեծագույն ուրախություններից է. և ընկերության ուրախություններից է այն, որ կա մեկը, ում կարելի է գաղտնիք վստահել։

Մանձոնի

................................................................................................................................................................................

Ընկերներին պահելու լավագույն միջոցը նրանց չդավաճանելն է։

Միզներ

................................................................................................................................................................................

Ապրիր մարդկանց հետ այնպես, որ քո բարեկամները չարակամներ չդառնան, իսկ չարակամները`   բարեկամներ։

Պյութագորաս

................................................................................................................................................................................

Կեղծ ընկերն ավելի վատ է ամենադաժան թշնամուց։

Պուբլիլիոս Սիրոս

................................................................................................................................................................................

Ընկերությունը, որն ընդհատվել է, ճիշտն ասած, իսկի բնավ չի էլ սկսվել։

Պուբլիլիոս Սիրոս

................................................................................................................................................................................

Ընկերը նա է, ով ամեն անգամ, երբ դու զգում ես նրա կարիքը, կռահում է այդ մասին։

Ռենար

................................................................................................................................................................................

Մտերմությունը կարող է լինել առանց փոխադարձության, բայց ընկերությունը`   երբեք։

Ժան Ժակ Ռուսո

................................................................................................................................................................................

Բանն այն չէ, թե ումից ես ծնվել դու, այլ այն, թե ում հետ ես ընկերություն անում։

Սերվանտես

................................................................................................................................................................................

Մեծ մարդու ընկերությունն աստվածների պարգև է։

Վոլտեր

................................................................................................................................................................................

Աշխարհում ոչինչ չկա ընկերությունից ավելի լավ ու հաճելի, առանց դրա աշխարհը կարծես թե զրկված կլիներ արևից։

Ցիցերոն

................................................................................................................................................................................

Առանց ընկերության կյանքը ոչինչ է։

Ցիցերոն

................................................................................................................................................................................

Նա, ով ընկերությունը հանգեցնում է օգուտի, իմ կարծիքով, խլում է ընկերությունից ամենաթանկարժեքը, ինչ կա նրա մեջ։

Ցիցերոն

................................................................................................................................................................................

Երբ շան ու կատվի մեջ ընկերություն է հանկարծ առաջանում, դա այլ բան չէ, քան դաշինք`   ընդդեմ խոհարարի։

Ստեֆան Ցվայգ

................................................................................................................................................................................

Սերը մատչելի է բոլորին, բայց ընկերությունը սրտի քննություն է։

ՈՒդետո

................................................................................................................................................................................

«Ընկեր» բառը բոլորի շուրթերին է, սակայն ճշմարիտ ընկերությունը հազվադեպ է։

Փեդրո

Վարչապետ Կարեն Կարապետյանի այցը Վրաստան և դրա հետևանքները. մեկնաբանում է վրացագետը

այաստանի վարչապետ Կարեն Կարապետյանի գլխավորած կառավարական պատվիրակությունը, Վրաստանի վարչապետ Գիորգի Կվիրիկաշվիլիի հրավերով, պաշտոնական այցով Վրաստանում է: 

Երկու երկրների պաշտոնական պատվիրակությունների ընդլայնված կազմով հանդիպմանը Վրաստանի վարչապետը, ողջունելով հայաստանյան գործընկերներին, ասել է. «Մենք պատրաստակամ ենք խորացնել տարածաշրջանային համագործակցությունը, ակտիվացնել առևտրաշրջանառությունն ու օգտագործել առկա ողջ ներուժը»,- ասել է նա՝ ավելացնելով, որ Վրաստանը կարևորում է բարեկամ Հայաստանի հետ համագործակցության հետագա խորացումը և զարգացումը:

Ինչպե՞ս կարելի է գնահատել վարչապետի առաջին պաշտոնական այցը՝ Վրաստան, արդյո՞ք այս այցով հարևան երկրի հետ հարաբերությունները դրվեցին ավելի ամուր հողի վրա: Այս և այլ հարցերի մասին ԼՈւՐԵՐ.com-ի թղթակիցը զրուցեց վրացագետ Ալիկ Էրոյանցի հետ:

Վրացագետը նշեց՝ քանի որ սա վարչապետի առաջին այցն էր Վրաստան, թվում էր՝ ավելի հակիրճ ֆորմատով պետք է տեղի ունենար հանդիպումը, բայց, փաստորեն, հանդիպումները բազմաբովանդակ են եղել: 

«Կան հարցեր, որոնք, նպատակահարմար կլիներ, որ ավելի շուտ լուծում գտնեին: Օրինակ՝ տրանսպորտային փոխադրումների դեպքում. լավ կլիներ՝ լուծվեր «Լարսի բեռնաթափման» հարցը, և եթե հայկական կողմը համապատասխան միջամտությունը կարողանա ապահովել, ապա այդ գործընթացը կարագանա: Հյուսիս-հարավ ճանապարհի հարթեցումը ոչ միայն կբերի հայ-վրացական հարաբերությունների ավելի խորացմանը, այլև տարածաշրջանում Հայաստանի դերակատարության մեծացմանը: Հայ-վրացական հարաբերությունների մեջ շատ կարևոր է ջավախահայության հարցը, դրա պահպանման խնդիրը»,- ասաց վրացագետը՝ նշելով այն խնդիրները, որոնք հրատապ լուծման կարիք ունեն:

Ալիկ Էրոյանցի կարծիքով՝ վարչապետի պաշտոնական այցը նոր զարկ ու նոր լուծումներ կտա: Հատկապես հույս է տալիս այն հանգամանքը, որ նախկին իշխանությունների համեմատ՝ գործող իշխանություններն ավելի պատրաստակամ են և հարևանների հետ շփման առումով՝ որդեգրել են հավասարակշռված քաղաքականություն: 

Վրացագետի խոսքով՝ նման այցելությունները պետք է շատ լինեն. «Եթե նայենք 2-3 տարիների կտրվածքով, այսօր, իհարկե, հնարավորությունները շատ են, որպեսզի հայ-վրացական հարաբերություններն ավելի ամուր հողի վրա դրվեն և նոր զարգացում սկսեն ապրել»,- ասաց նա՝ ավելացնելով, որ հարկավոր է ակտիվացնել առկա համագործակցությունը, հատկապես, երբ կա պատրաստակամություն:

Հայ-վրացական հարաբերությունների ամրապնդումը, ըստ վրացագետի, շատ կարևոր է հատկապես այն դիտանկյունից, որ Վրաստանը բավականին լավ հարաբերություններ ունի Ադրբեջանի և Թուրքիայի հետ, և այժմ փորձեր են արվում ռազմական ոլորտի համագործակցության հիմքեր դնելու. «Ճիշտ է, հիմա այդքան ակտուալ չէ, սակայն հեռանկարային առումով՝ սա մեզ համար խնդիր է»:

Տինա Դուտ

Տինա Դուտան ծնվել է 1986 թվականի նոյեմբերի 27-ին Հնդկաստանի Կալկաթա քաղաքում:

Հինգ տարեկան հասակում Տինա Դուտան նկարահանվել է հեռուստատեսային սերիալում, որը կոչվում էր «Քույր Նիվեդիտա»: 1992 թվականից սկսել է նկարահանվել ֆիլմերում^[3]:

Նկարահանվել է բենգալական բազմաթիվ ֆիլմերում: 2003-2005 թվականներին ունեցել է դերասանական բեղուն գործունեություն:

2005 թվականին նա նկարահանվել է հինդի լեզվով ֆիլմում, որի ժամանակ մարմնավորել է փոքրիկ Լոլիտային:

Տինա Դուտան համարվում է Մումբայում նկարահանված «Մերժվածը» հեռուստասերիալի գլխավոր կերպարը: Այնտեղ նա մարմնավորել է Իչա Վիր Սինգ Բունդելա թակուրայինին, ով հաղթահարելով կյանքի դժվարություններին կարողանում է իրականացնել իր բոլոր նպատակները:

Շքեղ ու հարմարավետ առանձնատուն՝ նախկին թռչնաֆաբրիկայի փոխարեն (Photo)

Ճարտարապետ Մարտին Հոլլը զարմացրեց լքված թռչնաֆաբրիկային երկրոդ կյանք հաղորդելու իր ունակությամբ: Նա գնեց թռչնաֆաբրիկան, 350 հազար դոլարի ներդրում արեց և կառուցեց հիանալի ու հարմարավետ առանձնատուն՝ 4 ննջասենյակով:

Այսօր այն օրական 200 դոլարով տրվում է վարձով և տիրոջը կայուն եկամուտ է ապահովում: